Waves of Bliss

🌸 WAVE OF BLISS 🌸 🌼SECRET TEACHINGS OF SOUNDARYALAHARI🌼 സൗന്ദര്യം എന്നാൽ എന്ത്? എന്ത് കണ്ടാലാണോ നമുക്ക് നമ്മുടെ തന്നെ അസ്തിത്വം മറന്നു കൊണ്ട്, അതായത് സ്വയം മറന്നു പോകാൻ സാധിക്കുന്നത് അതാണ് സൗന്ദര്യം. തന്ത്രശാസ്ത്രത്തിൽ 'സൗഃ' എന്നാൽ പരാശക്തിയുടെ ബീജമാണ്. പറഞ്ഞു വരുന്നത് സുന്ദരി ആ പര തന്നെയാണ്, അവളുടെ സൗന്ദര്യം നുണഞ്ഞതിൻ്റെ ലഹരിയാണ് സൗന്ദര്യലഹരി. ഒരു പക്ഷെ അതിലും വലിയ ഒരു ലഹരി ഈ സമസ്തപ്രപഞ്ചത്തിലും ഇല്ല. ഈ ലഹരി സ്വയം നുകർന്നതിനോടൊപ്പം ആചാര്യസ്വാമികൾ നമുക്കായി 100 ശ്ലോകങ്ങളിലൂടെ കൈമാറുകയും ചെയ്തു... അതെ 100 സിദ്ധികൾ ഒളിപ്പിച്ചു വച്ചിരിക്കുന്ന 100 ശ്ലോകങ്ങൾ. സാധകർക്കു നിഷ്ഠയോടെ സാധന ചെയ്താൽ സിദ്ധികൾ ഉറപ്പായും നൽകുന്ന വിശേഷ കൃതിയാണ് സൗന്ദര്യലഹരി. തന്ത്ര ശാസ്ത്രത്തിലെ അത്ഭുതരഹസ്യങ്ങൾ അടങ്ങിയിരിയ്ക്കുന്ന സൗന്ദര്യലഹരി നമ്മൾ സാധനയ്‌ക്കായി തിരഞ്ഞെടുത്തിരിക്കുന്നു. 37 ദിവസമാണ് അധ്യയനത്തിന്റെ കാലഘട്ടം. വാഗമൺ കേന്ദ്രമായ അഭിനവഗുപ്ത ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് സ്റ്റഡീസിന്റെ ഡയറക്ടർ ഡോ ആർ. രാമാനന്ദ് ആണ് ഈ സാധനാ സപര്യ നയിക്കുന്നത്. ആര്‍ക്കെല്ലാം പങ്കെടുക്കാം? അത്ഭുതപ്പെടുത്തുന്ന ഉപമകളാലും, മനോഹരമായ പദപ്രയോഗങ്ങളാലും രഹസ്യമായ സാധനാ-പ്രയോഗപദ്ധതികൾകൊണ്ടും, ബീജാക്ഷരങ്ങൾകൊണ്ടും സമ്പന്നമായ സൗന്ദര്യലഹരിയെ ആഴത്തില്‍ അറിയാൻ താല്‍പര്യം ഉള്ള ആര്‍ക്കും ഇതിൽ പങ്കെടുക്കാം. ആരാണ് ഇതിന്റെ പരിശീലകര്‍? ശിവം മാസികയുടെ ചീഫ് എഡിറ്ററും അഭിനവഗുപ്ത ഇന്‍സ്റ്റിറ്റ്യൂട്ടിന്റെ ഡയറക്ടറുമായ ഡോ ആർ. രാമാനന്ദ് ആണ് ഈ കോഴ്സിന്റെ പരിശീലകൻ. ഈ ക്ലാസ്സിൽ പ്രത്യേകം നോട്ട് ഉണ്ടാകില്ല ആവശ്യം ഉള്ള നോട്ട് നിങ്ങൾക്ക് എഴുതി എടുക്കാം ക്ലാസ് കണ്ടു തുടങ്ങു മുൻപേ ഒരു പുതിയ നോട്ട് ബുക്ക് എടുത്തു വയ്ക്കുക. അതിൽ ഓരോ ക്ലാസ്സിൽ നോട്ട് ശ്ലോകം എഴുതാൻ ഉള്ള സമയം അത് നോട്ടിൽ എഴുതി വയ്ക്കുക . അത് പോലെ സാധന ക്രമം ആ ബുക്കിൽ എഴുതി വയ്ക്കുക . ക്ലാസ്സിൽ പറയുന്ന കാര്യങ്ങൾ നിങ്ങൾക്ക് ആവശ്യമുള്ളത് എല്ലാം ആ ബുക്കിൽ എഴുതി വയ്ക്കാം